Leos

Pataros jeung waktos nu lawas tilar

Patali jeung wanci tina jangji nu geus teu pasini

Dumasar kana Perkara katresna  nu beh ditu karasa duriat beh dieuna

Kiwari nyangreud pageuh palebah bilik sukma nu rumasa karasa

Rajeun ngalangkang ngalayang ngawang-ngawang dina lawang panto kasono

Kukurilingan belah ditueun hate leutik nu keur ceurik ngageunggeuik

Manggul-manggul bagja  harita nu tinggal sesa-sesa carita

Ti isuk maju ka peuting beh dituna mongkleng kacida poek

Ti bulan mapay-mapay mang taun-taun laun-laun jadi emutan

Ti hareup nepi katukang ngalangkang hiberna hate ngambang

Ti belah ditu nepi ka belah dieu karasa wanci ka wanci kiwari geus lain deui

Perkara eta moal kitu wae leungit ngiciprit najan saeutik

Salawasna moal robah sapapanjangna moal ingkah

Satia nu harita diagung-agung sagede gunung

Kiwari leutik pisan dina bolototna soca, ampir-ampiran teu katinggali

Nyicingan buruan ati anu paling jero teu katempo

Lantaran pisan jero